രഞ്ജി ട്രോഫി ക്രിക്കറ്റിൽ കരുത്തരായ ബംഗാളിനെതിരായ പോരാട്ടത്തിൽ കേരളത്തിന് കനത്ത ബാറ്റിങ് തകർച്ച. ആദ്യ ഇന്നിങ്സിൽ ബാറ്റിങ്ങിനിറങ്ങിയ കേരളം വെറും 141 റൺസിന് എല്ലാവരും പുറത്തായി. ഇതോടെ ഒന്നാം ഇന്നിങ്സിൽ ബംഗാൾ 209 റൺസിന്റെ കൂറ്റൻ ലീഡ് സ്വന്തമാക്കി.
ഇടംകൈയൻ സ്പിന്നർ പ്രദീപ്ത പ്രമാണിക്കിന്റെ തകർപ്പൻ ബൗളിംഗാണ് കേരളത്തിന്റെ ഇന്നിങ്സ് ചുരുട്ടിക്കൂട്ടിയത്. മത്സരത്തിൽ ആകെ നാല് വിക്കറ്റുകൾ വീഴ്ത്തിയ പ്രദീപ്ത, രണ്ടാം ദിനം വീണ മൂന്ന് വിക്കറ്റുകളും സ്വന്തം പേരിൽ കുറിച്ചു. പരിചയസമ്പന്നനായ ഇന്ത്യൻ പേസർ മുഹമ്മദ് ഷമിയുടെ മൂർച്ചയേറിയ പന്തുകളും കേരള ബാറ്റിങ് നിരയുടെ നട്ടെല്ലൊടിച്ചു. ഷമി മൂന്ന് പ്രധാന വിക്കറ്റുകൾ വീഴ്ത്തി കേരളത്തെ വരിഞ്ഞുമുറുക്കി.
രണ്ടാം ഇന്നിങ്സിൽ ബംഗാൾ 198 ന് പുറത്തായി. രണ്ടാം ഇന്നിങ്സിൽ കേരളം ഇതുവരെ നാല് വിക്കറ്റ് നഷ്ടത്തിൽ 56 റൺസാണ് നേടിയത്. കേരളത്തിന് വിജയിക്കാൻ ആറ് വിക്കറ്റ് ശേഷിക്കെ വേണ്ടത് 355 റൺസ്.
content highlights: ranji trophy kerala vs bengal mohammed shami wickets first innings lead